Cellébrase en Donostia y tendrá llugar del 21 al 25 payares
LA SIDRA.- El Sagardo Forum consiste nunes xornaes n’Euskadi dedicaes a la mazana, los sos derivaos, y a la cultura y el turismu de la sidre. Cellébrase del 21 al 25 de payares. La primera de les actividaes entamaes consistie nunes xornaes técniques nes instalaciones de Orona Ideo, n’Hernani, con ponencies de 21 profesionales nacionales ya internacionales qu’apurrieron una visión global de la situación actual y de la evolución que vivió nos postreros años el mundiu de la sidre, entamaos en trés exes temátiques: la mazana, la sidre y les sidreríes como recursu turísticu.
Tamién tuvo llugar la cellebración del II Concursu de Sidre Internacional nes instalaciones del Palaciu de Congresos Kursaal en Donostia y al que s’inscribieron 190 sidres provenientes de catorce países. Los tastiaores sedrán sumillers, enólogos, cocineros, periodistes y bloggers gastronómicos. Les categoríes son: sidre natural vasca, sidre natural asturiana, sidre tradicional francesa, sidre tradicional inglesa, sidre moderno, sidre d’espolleta ‘premium’, vinu mazana ‘apfelwein’, sidre de saborgos, perea; y sidre de xelu.
Amás, esti añu tamién se cellebrará una Feria Internacional de Sidre, siguiendo l’exemplu del Salón Internacional de les Sidres de Gala d’Asturies qu’esti añu cumplió la so IX edición.
