Sidras Zacatlán, produz una orixinal sidre que lleva’l nome d’esti conceyu asturianu.
LA SIDRA.- La emigración asturiana a hispanoamérica llevó con ella la sidre asturiano, de tala miente qu’anguañu la sidre -la xampanizao básicamente- yá forma parte del acervu gastronómicu de los más de los países sudamericanos, onde tamién algamó espresiones propies acordies al mediu nel que se desendolcó.
Arriendes d’ello, fueron munchos los llagares entamaos polos asturianos nes nueves tierres, y anguañu los más de los productores de sidre n’hispanoamérica tan rellacionaos d’una o otra forma con Asturies y la so cultura de la sidre.
Nesti casu concretu Sidras Zacatlan, nel Estáu mexicanu de Puebla -onde s’asitia Zacatlán de las Manzanzas- produz esta sidra Piloña, que tien la particularidá de tar ellaborada de magar la mazana, pero a la que se-y amiesta tamién zusmiu de naranxa -una vegada formientao la sidre-. Tien un % d’alcol del 5% y un tiempu d’aneyamientu de 12 meses.
