Sedrá na plaza cubierta de La Pola y escomenzará de magar les 17:00 hores
LA SIDRA.- El Concursu de Sidre Casero de Siero cumple la so sétima edición, y, tou hai que dicilo, gocia de bien bona salú. Espérase que participen más de 55 ellaboraores de la bébora más tradicional d’Asturies.
El certame ta entamáu pol Clú Sierense d’Amigos de La Mazana, en collaboración col Conceyu Siero, la comisión de festexos del Corpus Christi, l’Asociación de Vecinos de Feleches; y tamién participen la Caxa Rural y l’empresa COEM Astur.
Amás los premios son más qu’interesantes. Al primer llugar tocarán-y 2,000 corchos, un paquete de preseos p’analizar la sidre y un echaor llétricu de COEM. El segundu premiu va ganar 1,500 corchos y tamién un echaor llétricu. Y el terceru mil corchos y preseos analíticos. Aparte, tolos participantes van recibir una dotación de corchos.
xxx
