Impartía por Yolanda Trabanco dientru les actividaes del Festival de la Sidre Natural de Xixón
LA SIDRA.- Ayeri Yolanda Trabanco, direutora de marketing y vientes de Sidra Trabanco, fexo un percorríu pol papel de les muyeres nesti seutor tradicionalmente masculín y trató de los retos a los que s’enfrenten anguañu.
El llugar foi la Plaza Mayor de Xixón y esta conferencia enártase dientru les actividaes que se tán realizando nel Festival de la Sidre Natural de Xixón. Yolanda Trabanco pertenez a la cuarta xeneración d’esta familia que lleva dende 1925 ellaborando sidra y ye güei referente a nivel nacional ya internacional.
Asina, la direutora fexo un percorríu pola hestoria de la so familia dende la so bisagüela Orencia, muyer del fundaor de la empresa familia Emilio Trabanco fasta los nuesos díis onde una bona parte de los puestos de llideralgu de Sidra Trabanco ocúpenlos muyeres.
Yolanda Trabanco tamién destacó la figura de muyeres del arrodiu sidreru como echaores, enólogues y chigreres y desplicó cómo camudó’l consumu la sidre per parte la muyer. Cola so intervención, la responsable de vientes de Sidra Trabanco quinxo rindir un homenaxe a les muyeres de la sidra y sirvir d’ispiración a futures xeneraciones pa siguir avanzando n’igualdá de condiciones.
