Nel barriu de Perchera, antiguamente Altu Pumarín, Luis Alberto Turriado lleva yá nin más nin menos que 36 años al mandu de la so sidrería.
LA SIDRA.- Dos comedores, un na parte cimera, otru a pie de chigre, climatizaos y con terraza que fai que t’atopes nesti chigre como na to propia casa.
Con capacidá pa unes trenta presones, nel comedor cimeru hai l’espaciu xustu para cellebrar les tos comíes con familiares, amigos y empresa.
Tolos díis, menos llunes que ye’l díi que preslla, pues faer un altu nel camín para poder comer los sos menús diarios a un preciu 9,00 € con trés entrantes a escoyer, platos de cuyar de típica cocina asturiana, y dos segundos tamién a escoyer.
Les fines de selmana, sábados con un preciu de 15,00 € y domingos a 20,00 €, pues escoyer tamién el menú, esti más ellaboráu qu’el de per selmana y con segundos, un de pexe fresco y carnes colloraes a escoyer.
Bien, pasemos agora a lo que vas poder comer en cualisquier momentu, les sartenes variaes de gula y gamba, de la güela, chistorra, picadiellu con Cabrales, matachana y fasta una infantil, cachopos y el bacalláu con sidre, a tacos, con pistu y fritu al igual que’l pixín.
Y yá como especialidaes encamentaes, la carne a la piedra, con un chuletón txogitxu de búfalu que “balta” y la parrilla d’ibéricos y marisco “Tierra y Mar”.
La sidre, equí Luis Alberto fai fincapié nel llagar que tien dende’l primer díi qu’abrió les sos puertes y nun tien más que pallabres d’agradecimientu pa con ellos, Peñón. Equí puedes probar tolo que Peñón tien nel mercáu, Sobro la madre, DOP y natural.
