Cellebraráse’l 10 d’agostu n’Argoños y cumple la so décimo segunda edición
LA SIDRA.- El Parque de San Roque n’Argoños va ser l’escenariu nel que se cellebre la Fiesta de la Sidre Cántabro’l prósimu díi 10 d’agostu. La Conseyería de Mediu Rural, Pesca y Alimentación del gobiernu de Cantabria ye la impulsora d’esta iniciativa na que se van dar cita diversos productores de l’antigua Asturies de Santillana.
La degustación de sidre va escomenzar a les 19:30 hores, sicasí, les distintes actividaes que van tener llugar alredior d’esta fiesta van empecipiar dende’l meudíi yá que van tener llugar actuaciones musicales, vienta de productos artesanos, paella popular pa collaborar col esporte de la llocalidá y xuegos pa neños. Espérase que al igual que n’años anteriores participen alredior de catorce productores de llugares como Somo, Anero o Escalante.
Cabo señalar que precisamente esta última llocalidá, Escalante, da nome a una Asociación Pomolóxica. Ye una organización ensin ánimu d’arriquecimientu que pretende la promoción d’esta bébora na so Comunidá Autónoma. Amás, esta entidá tamién cellebra una Fiesta de la Sidre que tuvo los sos entamos nel añu 2000.
