Taraminguen dende un mínimu de 5.000 euros fasta un másimu de 200.000 por proyeutu
LA SIDRA.- El gobiernu asturianu vien de destinar cuatro millones d’euros a da-y puxu a proyeutos anovadores de los grupos operativos de desencolcu rural. N’Asturies esisten diecinueve grupos operativos, ente ellos “Nueves fórmules de promoción y comercialización de la sidre” y “Cultivu de la mazana de sidre”.
Les sovenciones tan orientaes a dar puxu a iniciatives nel ámbetu la ganadería, l’agricultural, la silvicultura, la industria agroalimentario, el desendolcu rural y el mediu ambiente pa dar solución a ptoblemes concretos. La so finalidá ye faer más competitivos los seutores agroalimentariu y forestal, contribuyir a la seguranza alimentaria, la diversificación de produiciones y el suministru de materies primes, aprofitando’l conocimientu científicu.
Les aídes taraminguen dende un mínimu de 5.000 euros fasta un másimu de 200.000 por proyeutu. Asinamesmo, el sofitu a los grupos operativos y a los proyeutos anovaores aspira a xenerar valir amestáu y favorecer una rellación más estrencha ente la investigación y les práutiques agrícoles y forestales, asina como a promover una aplicación práutica más rápida de soluciones novedoses.
