El llagar sierense lleva la so sidre a China y Xapón.
LA SIDRA.- Tres la participación nel mes de marzu pasáu en “Foodex 2019” presentando la so sidre brut Eris, el Llagar de Fonciello confirma la so presencia nel eventu sidreru internacional más grande de Xapón, el “Japan Cider Awards”, onde acudirán cola sidre Fonciello y la brut Eris,
Na so visita de marzu a Xapón contautaron con munchos amantes de la sidre, y como nun podía ser d’otra miente, col nuesu collaciu Tatsuro Fuji, auténticu embaxaor de la sidre asturiano y que vien participando dende va trés años nel Salón Internacional de les Sidres de Gala -SISGA-, visitando la so Sidrería Eclipse, nel mesmu cientru de la capital nipona.
Sidre Fonciello y Eris na Feria de Sial, Shanghai, China
Dientru d’esa dinámica d’internacionalización, el Llagar de Fonciello vien de participar nunes intensives xornaes d’intercambiu cultural y gastronómicu en Shanghai, onde ca añu, profesionales del seutor gastronómicu xúntense pa presentar productos y novedaes cola intención de faese un güecu ente los paladares más desixentes de tol mundiu. Comencíos de la calidá de la so sidre, el Llagar de Fonciello decidióse a correr el riesgu qu’acarretaba dar esti pasu, con perbonos resultaos.
