El certame llevóse a cau dientru’l Salón de Gourmets, que se cellebra fasta’l xueves en Madrid
LA SIDRA.- Cuadonga ta norabona, a lo menos, en materia gastgronómico. El Merenderu Cuadonga ganó’l concursu estatal “A la gueta del meyor cachopu ellaboráu con Xata Asturiana IXP” na 33 edición del Salón de Gourmets que ta llevándose a cau en Madrid dende güei fasta’l prósimu xueves. El segundu puestu foi pa La Marimorena y el terceru pa Las Tablas del campillín, estos caberos asitiaos n’Uviéu.
Asturies apostó polos sos productos de calidá nesta feria yá que demientres los cuatru díis que dura’l congresu llevará a cau estremaes tasties, ente elles la de la DOP Sidre d’Asturies yá que forma parte de la marca Alimentos del Paraisu Natural.
Nel certame de güei participaren doce finalistes colos sos cachopos, ente ellos seyes restoranes asturianos: Casa Chema, Taberna Salcedo, La Marimorena y Las Tablas del Campillín d’Uviéu; El Merendero de Cuadonga, que resultó vencedor; y Río Astur, únicu representante de Xixón
