Únicu na so especialidá, el Concursu de Sidre Casero Fecho en Maera pretende poner en valor la ellaboración tradicional de sidre en cascos de maera.
LA SIDRA.- La xeneralización de la fibra y l’acieru inosidable van arrequexando pasu ente pasu l’usu de los cascos de maera: pipes, toneles, barriques… que non solo ye que seyan tradicionales, sinon qu’apurren una calidá específico a la sidre.
Ello asina, esti concursu pretende poner de nueu en valor la maera na ellaboración de la sidre casero, y dengún marcu meyor que la Primer Sidre l’Añu pa ello.
Bases del Concursu de Sidre Casero Fecho en Maera
- Puen participar tolos llagareros non profesionales d’Asturies (l’actual “Principado” y restu de territorios hestóricos) con sidra del añu (ello ye, con mazana de la collecha de 2018) fecho -en tou o en parte’l procesu- en toneles de maera.
- Pa participar hai que presentar 6 botelles de sidre enantes de les 13 hores del 21 d’abril. Nes oficines de la Fundación Asturies XXI (Prendes Pando 11 baxo. Xixón), o dende’l xueves 18 fasta la fecha tope del 21 d’abril, na Primer Sidre l’Añu (Muséu del Pueblu d’Asturies).
- El vacíu retornaráse al llagareru nel mesmu momentu d’entregar la sidre
- Pue presentase más d’un palu sidre por llagar.
- El xuráu tará compuestu por 5 presones de reconocíu prestixu nel mundiu la sidre pol sistema de tastia ciega, tendrá llugar en dos fases:
- • Seleición de les 7 meyores
- • Final ente les seleicionaes
- El determín del xuráu sedrá inapelable.
- Establécense los premios que vienen darréu:
- • 1er Premiu. Pipa de sidre de maera de castañal de 120 l, diploma y participación como xuráu na edición del concursu de sidre casero fecho en maera de 2020.
- • 2u Premiu. Xuegu densímetros y termómetru y diploma
- • 3er Premiu.- Bolsa de corchos de sidre y diploma
- • 4º y 5º Premiu diploma acreítativu.
- • Restu participantes; diploma de participación nel concursu.
- Tres el determín del xuráu, la sidre presentao quedará a dimposición de los asistentes a la Primer Sidre l’Añu
(Visited 2.897.470 times)
