Sedrá’l vienres 16 de payares a les 19:00 hores n’Intu Asturies, a los primeros 500 asistentes obsequiaráse-yos con una botella de sidre brut, polo que s’encamienta llegar con antemanamientu
LA SIDRA.- Dende’l 1 d’avientu fasta’l 7 xineru podrán degustase en cerca 300 establecimientos de toa Asturies la Sidre Brut acoyío a la OP a precios pereconómicos. Y pa dar el pistoletazu salida a esta campaña, el Conseyu Regularo de la DOP Sidre d’Asturies xunto col cientru comercial Intu Asturies entamó un brinde multitudinariu col que se pretende “marcar un fitu” en cuates a actividaes gastronómique se refier. L’oxetivu ye poner en valor esta sidre ente los asturianos y dala a conocer ente los miles de visitantes que s’averen fasta Asturies nestes feches.
“Avérense les navidaes y ye l’intre pa brindar, compartir y cellebrar la llegada del añu nueu con familiares y amigos. Munchos asturianos fadránlo con sidre natural esplumoso de la tierra. Por ello la Denominación d’Orixe Sidre d’Asturies ya Intu Asturies quier rializar el brinde más espeutacular p’anunciar la llegada de les fiestes navidiegues” siñalen dende’l Conseyu Regulaor.
De manera que nel citáu cientru comercial, de magar les 18:30, entregaráse a los asistentes una copa de sidre natural esplumoso acoyío a la Denominación d’Orixe de dalguna de les seyes marques que participen nel eventu Asturies Sidre Brut: El Gaitero etiqueta negra, EM, Poma Áurea, Pomarina, Prau Monga y Solaya. El brinde sedrá tamién el puntu partía pal encesu de les lluces y l’árbole navidiegu, d’alredior de 10 metros d’altor yá ispiráu nuna fábrica xuguetes. Encamiéntase llegar con antemanamientu.
(Visited 2.893.453 times)
