L’Asociación de Cenera fallará mañana la seición de Gastronomía na que compite la bébora asturiana
LA SIDRA.- L’Asociación Cultural Serondaya, convoca la VII Edición de los Premios Serondaya a l’Anovación Cultural nes sos seiciones d’Artes, Lletres, Ciencies de la cultura Humana y Gastronomía. Nesta postrer catergoría, la Sidre d’Asturies ta nominada xunta con otres propuestes como Embutidos El Cuco, Astursabor, Cerveza Ordum, Bienastur, Neoalgae, Natural Machines o los cocineros Nacho Manzano y Francisco Heras. L’aconceyamientu del xuráu de Gastronomía llevaráse a cau mañana 14 payares, nel llagar de Cenera a les 14:30 hores.
La Gala d’entrega de los premios cellebraráse’l 8 d’avientu nel Auditoriu de l Casa Cultura de Mieres del Camín, “Un añu más, l’asociación acude a la cita cola cultura y cola anovación con una nuea convocatoria d’estos premios que yá son una referencia nel mundiu la cultura, non namás n’Asturies, sinon en tol ámbetu estatal. Fasta agora, nes seyes ediciones anteriores otorgárense venticuatru premios, seyes en cauna de les cuatru seiciones. D’estos premios, cierto ye que la mayoría quedarne n’Asturies, pero tamién foren premiaes candidatures de Cataluña, Castiella y Llión, Madrid, Galicia, País VAscu, Andalucía, Alemaña o Israel” despliquen dende Serondaya.
