Amás de caves, champagnes y sidre, los participantes pudieron degustar productos gourmet
LA SIDRA.- Un añu más cellebróse Borbolles, salón de referencia del norte peninsular onde aconceyaronn una amplia variedá de marques de caves, champagnes, sidre y esplumosos qu’esisten anguañu nel mercáu. “Nesta edición la presencia de les borbolles más fines, ellegantes y con más estilu tan garantizaes” siñalen dende Gustatio, una de les entidaes entamaores.
Borbolles remocícase y nesta edición los aficionaos pudieron esfrutar de productos gourmet qu’harmonicen colos esplumosos. Degustóse xamón ibéricu de Remedios Sánchez, surtíu d’ibéricos de Geminiano, Ostres Daniel Sorlut, Caviar Nacarii, Quesos d’Alcares y Rebollín, Ganarchicos y la sal d’uva garnacha Rodi Gourmet, Conserves Gourmet de Espinaler, Bacalaos El Barquero y El Club del Gourmet d’El Corte Inglés. Amás cuntóse con panes delicatessen especiales pa tasties de la Regañá de Don Pelayo.
Los aficionaos pudieron aceder al escenariu de Borbolles, asitiáu en La Hacienda de La Llorea Golf, na tardi del pasáu xueves. Per otru llau, les marques que se degustaron en cuantes a bébores foron: Deutz, Lanson, Raimat. Pommery, Besserat de Bellefon, Grimau, D.Roman, Charles de Fére, Juvé & Camps, Codorníu, Torelló, Pomarina de El Gaitero, Poma Áurea de Trabaco, Dominio de La Vega, Piper-Heidsieck, Vardon Kennett, Raventós i Blanc, Roger Goulart, Sumarroca, Vilarnau. Aparte, Mewindo tuvo presente colos sos carrinos pa hostelería y particulares. Y per primer vegada en Borbolles ufrióse un taller pa guetar la “Copa Perfecha” col xampán del Clú del Gourmet d’El Corte Inglés.
