Güei xueves 18 d’ochobre y mañána vienres 19, un grupu de 36 polacos rellacionaos col mundiu la sidre rializarán visites a pumareros, llagareros, empreses hosteleres y entidaes vinculaes al seutor como’l Conseyu Regulaor de la Denominación d’Orixe Protexía o la Fundación Asturies XXI
LA SIDRA.- 36 llagareros polacos llegaron a Asturies p’afondar los sos conocimientos sobro sidre y conocer de primer man esti seutor del país. Foi gracies a la Fundación Asturies XXI y al alcuentru qu’entama ca añu: El Salón Internacional de les Sidres de Gala, qu’estremaos llagareros polacos descubrieren la sidre asturiana y d’ende nació’l so interés por visitar el país. Asina, demientres les dos xornaes van entrevistase y visitar les istalaciones de pumareros, llagareros, importaores, esportaores y chigreros.
PROGRAMÍN
Xueves 18
9:30 h. Acoyimientu na sede de la DOP Sidre d’Asturies en Villaviciosa
12 h. Visita guiada y degustación nel Llagar Cortina, Villaviciosa
14:00. Xinta en Restorán Amandi, Villaviciosa
15:30 h. Visita a Viveros Madiedo y les sos pumaraes, Villaviciosa
18:00 h. Acoyimientu na sé de la Fundación Asturies XXI, Xixón
19:30 h. Visita a Llagar El Duque en Xixón, y rialización d‘una tastia guiada de sidre asturiano nel mesmu.
21:30 h. Visita al Barriu la Sidre de Xixón
Vienres 19
9:30 h. Visita a la Finca El Gallinal, Xixón, una de les pumaraes más modernes d’Asturies.
12 h. Visita al Muséu del Pueblu d’Asturies en Xixón
13:30 h. Espicha en llagar de J. Tomás, Villaviciosa
16:30 h. Visita al Muséu de la Sidre de Nava
18:30 h. Visita al llagar Viuda de Angelón, Nava
21:00 h. Visita al Bulevar de la Sidre en Gascona, Uviéu
