Güei abrió les sos puertes na Plaza Abastos con una esibición pela mañana
LA SIDRA.- Les patinaores del equipu Telecable H.oquei Club naguraron güei la pista de patinaxe de Villaviciosa. Va tar abierta al públicu fasta’l 6 de xineru, n’horariu de 11:00 a 14:00 y de 16:00 a 21:00. Trátase d’una pista de xelu sintético de 120 metros cuadraos con capacidá pa 25 patinadores de manera simultánia.
Con esta naguración, les xugaores del equipu sumen otru actu más al qu’asisten como embaxadores de la sidre acoyío a la Denominación d’Orixe, una reconocencia que-yos foi otorgá pol Conseyu Regulaor nel pasáu Salón de la DOP que se llevó a cabu en Xixón. Amás, a les xugaores d’esti equipu tamién pudiemos vele como convitaes d’honor del Festival de la Sidre de Villaviciosa que se cellebró pel branu.
Tornando a la pista xelu, van poder aportar los menores de 7 años acompangaos por un adultu/a y, en tou casu, encamiéntase l’usu de cascu y protectores de patinaxe a tolos usuarios. Los monitores encargaos de l’actividá van resolver cuantes duldes surdan sobro’l so usu.
