Inicio > Gastronomía > Ye Samaín, ye tiempu de sidre’l duernu
Gastronomía

Ye Samaín, ye tiempu de sidre’l duernu

Nel 31 d’ochobre cellébrase Halloween, que tien los sos raigaños na fiesta celta del Samaín.

LA SIDRA.- Los calendarios ya les atividaes de los seres humanos siempres tuvieron amestaes a les estaciones del añu y marcaes por ciclos.

Asina, Samhain, en celta (Samaín n’asturianu), yera una fiesta de transición que sinifica “fin del branu” y na qu’apaecíen los espíritus bonu y malu.

Demientres estos díis cellebraben llacuaes pa festexar la fin de la temporada de collecha n’honor a la diosa Pomona. Esta deidá acomuña’l florecimientu de los árboles frutales y recibe el so nome al traviés de pomus o pomum, qu’en llatín sinificaba “mazana”.

Por ello, anguaño entá cellébrense n’Asturies los tradicionales magüestos, cellebraciones nes que nun falta la sidre’l duernu y les castañes pa honrar a los difuntos.

Asina, en poblaciones como Mieres o La Pola L.lena estos díes reivindícase esta ancestral tradición sol lema “Nun ye Halloween, ye Samaín”.

 

Ana María Viciosa
http://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Dexa una rempuesta

La so direición d'email nun sedrá espublizada Campos obligatorios marcaos con *