Inicio > Internacional > Xornaes sobro sidre y turismu en Galicia
InternacionalLlagaresSidreturismu

Xornaes sobro sidre y turismu en Galicia

L’Es direutor de Tursimu d’Asturies intervendrá con una ponencia sobro’l tema.

LA SIDRA.- Entamáu pola Universidá de Vigo, el cursu tendrá llugar güei y mañna n’A Estrada, siendo d’acesu llibre, pero los interesaos n’algamar un diploma de la Universidá tendrán qu’iscribise y pagar matrícula.

Anque propiamente les xornaes son sobro’l turismu basáu na produición tradicional del vinu, la cerveza y la sidre, dende la propia Universidá y los medios de comunicación ta destacándose como xornaes del turismu y la sidre, dao’l calter orixinal del sidreturismu, y la baxa definición del mesmu n’otros países del Estáu español, concretamente nel nuesu, onde’l nivel de desendolcu ye mínimu por más que ciertamente tea espoxigando gracies a les iniciatives de los llagareros y pesia’l reinal desenfotu istitucional.

Frnacisco Javier de la Ballina, profesor de la Universidá d’Uviéu y es direutor de Turismu d’Asturies intervendrá cola ponencia “Desenvolvemento turístico tematizado na sidra”, y Jesús Armenteros, propietariu del Llagar Ribela intervendrá sobro’l mercáu de la sidre  y ente otres actividaes habrá visita a una pumarada y fianarán les xornaes con una charra sobro’l potenccial turísticu de la sidre, y espicha nel microllagar de Ribela.

Dexa una rempuesta

La so direición d'email nun sedrá espublizada Campos obligatorios marcaos con *