Inicio > Chigres > Wassail, una sidrería con significáu en Nueva York
ChigresInternacional

Wassail, una sidrería con significáu en Nueva York

El restorán enfocáu a la sidre alcuéntrase nel Lower East Side de Manhattan y ufierta una seleición de sidres de caña y de botella.

LA SIDRA.- A lo llargo de los sieglos, la palabra “wassail” significó munches coses: un saludu (bona salú), un sustantivu (la bébora) y un verbu (canciar).

Pa los amantes de la sidre y elos pumareros, especialmente na fastera oeste d’Inglaterra, sinifica un ritual de bendición para los pumares.

La xente´l pueblu lleva antorches y aconceya a les doce nueche na pumarada, arrodiando l’árbol más grande. Échase sidre nos raigaños, cuélgase pan turriao nes cañes como ufrienda, dispárense armes y fáense ruios fuertes pa estornar los malos espíritus. Tol mundiu cancia cantares a los árboles p’asegurase una bona collecha na seronda.

El restorán-sidrería Wassail ufierta un menú inspiráu nes cocines de les rexones sidreres, esquizando les escepcionales cualidaes de maridaxe de la sidre, pa creyar platos orixinales y saborgosos con múltiples saborgos y testures.

Wassail- la pallabra, el ritual y el llugar- implica cordialidá, compartir comida y bébora y, nesti llugar en particular, rindir tributu a les pumaraes qu’un díi hebio ellí.

 

Ana María Viciosa
http://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Dexa una rempuesta

La so direición d'email nun sedrá espublizada Campos obligatorios marcaos con *