Inicio > Sin categoría > Sidre por prescripción mélica
Sin categoría

Sidre por prescripción mélica

Cinco sides poles que beber sidre ye bono pa la to salú.

LA SIDRA.- A naide nun-y disgusta tomar unos bonos culinos de sidre asturiano, pero agora tenemos más sides pa facelo: ye una bébora antiosidante y anticancanixena, tien propiedaes antiinflamatories, amenorga la tensión arterial, previen la diabetis y amenorga’l colesterol.

Según estudios realizaos pol Conseyu Regulador de la DOP, el Serviciu Rexonal d’Investigación y Desendolcu Agroalimentariu (SERIDA) y l’Hospital Universitariu Montepríncipe de Madrid, los polifenoles qu’apurren les mazanes capten los radicales qu’estropien les célules y causen tumores, y la so capacidá antiosidante aida la prevención del cáncanu.

Les amueses de célules humanes espuestes a estremaos tipos de sidre tamién reflexaron l’amenorgamientu de citoquines, y per ende, el so poder antiinflamatorio.

Per otru llau, evita la formación de la placa d’ateroma nos vasos sanguíneos, lo que contribúi a amenorgar la tensión arterial.

Coles mesmes, n’esaminando los lípidos del fégadu de dellos pexes espuestos a sidre diluyío n’augua d’un acuariu, constatóse la capacidá antidiabética de la sidra.

Finalmente, el consumu moderáu de sidre actúa como regulador del ácidu úricu y protexe énte malures cardiovasculares. Y, al contener pectines, calciu y potasiu, regula’l colesterol.

¿Qué más escusa precisamos pa siguir esfrutando de la nuesa bébora por escelencia?

Ana María Viciosa
http://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Dexa una rempuesta

La so direición d'email nun sedrá espublizada Campos obligatorios marcaos con *