Inicio > Eventos > Sidre Orizón, de Nava, gana l’Eloxu d’Oru
EventosLlagares

Sidre Orizón, de Nava, gana l’Eloxu d’Oru

Sidre Canal, de Xixón, torna faese col Premiu del Públicu na Fiesta de la Sidre de Xixón

VER SEMEYES

LA SIDRA.- La Fiesta de la Sidre de Xixón cerró ayeri col fallu y entrega gallardones: l’Eloxu d’Oru -otorgáu a la meyor sidre del festival según el xuráu especializáu–; y El Premiu del Públicu –la decisión foi tomada por tribunal formáu por representantes de consumiores–. Asina, el primeru d’ellos foi pa Sidre Orizón, de Nava; mentes que Sidre Canal tornó faese col entítulu de meyor sidre sigún el públicu, una y bones l’añu pasáu tamién venció nesta mesma categoría.

L’actu escomenzó a les doce del meudíi. Nesti reconocióse la llabor del llagareru César Agüera col Tonel d’Oru, premiu que ca añu apúrrese a una presona venceyada al mundiu la sidre a propuesta de los llagareros participantes. “Un home decidíu, echáu p’alantre, mui activu, y llagareru por vocación”, siñalaron dende la organización. Amás, los ellaboraores Lluis Piñera de Sidre Piñera, y Andrés Canal de Sidre Canal, fueron los encargaos d’echar los primeros culinos del fsetival pa que diera empiezu la degustación y la fiesta; una y bones l’añu pasáu les sos sidres fueron les ganaores.

Pa presllar l’actu, la banda Gaites Villa de Xixón escomenzó a tocar música del país y les casetes repartíes ente la Plaza’l Marqués y la Plaza l’Ayuntamientu escomenzaron a echar sidre, echáronse 27.600 botelles ente los 23 llagares que participaron nel alcuentru. Los premios del xuráu y del públicu fueron anunciaos a eso de los dos y cuartu de la tarde, y, momentos dempués, a les trés, la banda gaites interpretó’l Asturies Patria Quería pa clausurar la selmana sidrera más grande de Xixón, qu’un añu más tuvo apinada d’actividaes que xiraron alredior de la nuesa bébora tradicional, y na que, esti añu sí, batióse’l récor d’echáu simultániu.

Dexa una rempuesta

La so direición d'email nun sedrá espublizada Campos obligatorios marcaos con *