Inicio > Internacional > Sidre de Pera Viuda de Angelón, una de les sidres favorites d’América.
InternacionalLlagares

Sidre de Pera Viuda de Angelón, una de les sidres favorites d’América.

La espublización online Cider Culture amienta la “perry” asturiana.

LA SIDRA.- “Perry” -perea-, p’aquellos que nun lo sepan, ye la sidre fecho con peres. Ye la bébora de zusmios de pera formientao y ye mundialmente conocía pol so increíble variedá.

Viuda de Angelón Sidre de Pera, xuntu coles americanes E.Z. Orchad’s Poire, AeppelTreow Winery’s Perry y Eve’s Cidery’s Perry Pear, ye considerada una de los cuatro meyores sidres de pera pola ueb.

Señalen que munches sidres asturianes son famoses polos sos altos niveles d’acidez y lo bien que complementen la cocina del nuesu país. Nes sos propies pallabres, la Sidre de Pera Viuda de Angelón güel a frutos del monte, peres recién madurecíes y un pocu de la so clásica acidez.

Ye una sidre esplumoso con ciertu dulzayu, pero les notes florales son distintes y poco comunes. La so suavidá y equilibriu ente notes florales y de frutes tropicales son bien prestoses.

Amás encamienten maridala con una ensalada de branu con tomates del país y maíz duce frescu o con una ensalada verde coronada con calabaza y colinabu asáu.

Ana María Viciosa
http://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Dexa una rempuesta

La so direición d'email nun sedrá espublizada Campos obligatorios marcaos con *