Inicio > Eventos > Sagardo Forum
EventosInternacionalSidreturismu

Sagardo Forum

Los vinientes 23, 24 y 25 payares cellebraráse n’Hernani (Gipuzkoa, Pais Vascu) les II Xornaes sobro la Sidre, Sagardo Forum, nes que participarán espertos llegaos dende estremaos requexos del mundiu.

Cuntará cola presencia de 21 ponentes nacionales ya internacionales, les xornaes xirarán alrodiu la cultura, produición y el turismu rellacionáu cola mazana y la sidre.

Les charres pretenden apurrir una visión global de la evolución que vivió nos tiempos caberos el mundiu la sidre al rodiu de tres exes temátiques principales: la mazana, la sidre y los llagares como recursu turísticu.

El primer díi les conferencies tarán enfocaes al cultivu de la mazana y a la produición de la sidre, atendiendo a los aspeutos már téunicos rellacionaos col seutor primariu. Demientres la segunda xornada, Sagardo Forum centraráse nes esperiencies gastronómiques y el turismu de la sidre. Tamién habrá tiempu pa una degustación de sidre de Normandía, Bretaña y País Vascu. El postrer díi, 25 payares cellebraráse’l primer Sagardo Forum Concurso Internacional de Sidre, baxo la direición d’Eduardo Coto, Cider Guerrilla.