Inicio > Chigres > Nuevo Llagar, en Pumarín
ChigresEncamientosGastronomía

Nuevo Llagar, en Pumarín

Esta ye yá la segunda sidrería que se deciden abrir estos dos socios emprendeores, tres el gran ésitu collecháu en “EL Viejo Llagar”, Eduardo Zea Miranda y Jhonatan Rentería.

El Nuevo llagar atópase en plenu barriu xixonés de Pumarín, onde continúen coles mesmes premises de calidá, atención y preciu. Al entrar yá adicamos una gran variedá de pinchos p’acompangar el palu de sidre nel que confía la empresa, Peñón normal o d’Escoyeta. Asina mesmo, ufren a diariu un ampliu y variáu menú y una estensa carta con gran variedá de carnes a la parrilla, como’l chuletón o l’entrecó de güe, la picaña, el secretu ibéricu o’l llacón cocío o bien a la parrilla.

Si mos presta más el pexe llamarámos l’atención les munches variedaes en que tresnen la so especialidá: el bacalláu. A la parrilla, al ayu-arrieru, a la portuguesa, al pistu, con gules y gambes… asina fasta cerca de diez formes estremaes. Nun podía faltar el mariscu, y pa una muestra, el famosu y espléndidu “tablón marineru” que como diz Eduardo… “Ye pa nun marchar con fame”.

Nuevo Llagar, Sidrería Parrilla. Gaspar García Laviana, 69, Xixón T. 984 193 040

Dexa una rempuesta

La so direición d'email nun sedrá espublizada Campos obligatorios marcaos con *