Inicio > Llagares > La vienta de la sidre xube como la espluma
Llagares

La vienta de la sidre xube como la espluma

La sidre esplumoso espándese ente un 5% y un 15% esti añu.

LA SIDRA.- Cola proximidá de les fiestes navidiegues, les vientes dispárense en tolos seutores.

Ún d’ellos ye’l de la sidre esplumoso asturiano, ca vegada de mayor calidá y más demandao polos consumidores dientru y fora d’Asturies.

Cuntamos con dos grandes empreses como El Gaiteru y Mayador, con dellos millones de botelles distribuyíes al añu, y una más recién, Trabanco, con más de 30.000, polo que nun se presume que vaiga haber problemes de suministru.

María Cardín, responsable de comunicación d’El Gaiteru, asegura que se trata d’una medría xeneral, dientro de lo normal si la comparamos con un pidíu ordinariu, anque nun refuga que se produzan novedaes.

Consuelo Busto, xerente de Mayador tamién asegura tener bastante capacidá de reaición pa facer frente a nuevos pidíos.

Per otru llau, Samuel Trabanco, qu’ellabora sidre esplumoso dende fai menos d’una década, percibe esta medría especialmente dientru d’Asturies, y creye que débese a que los asturianos tamos dándomos cuenta que tenemos unos produtos estupendos.

Ana María Viciosa
http://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.

Dexa una rempuesta

La so direición d'email nun sedrá espublizada Campos obligatorios marcaos con *