Inicio > Sin categoría > La mazana, baxo control
Sin categoría

La mazana, baxo control

Amigos de la Manzana pidi dar a conocer l’orixe de les mazanes coles que s’ellabora la sidre.

LA SIDRA.- David Menéndez, presidente del C.S.A.M. (Club Sierense d’Amigos de la Mazana) considera que tien d’indicase na etiqueta de les botelles de sidre la procedencia de la mazana utilizao pa la so ellaboración.

Con ello podría frenase la compra de mazana de fora d’Asturies pa evitar que n’años de supercollecha como l’actual acaben podreciéndose nes nueses pumaraes.

Según Enrique Dapena, responsable del programa d’Investigación de Fruticultura del SERIDA, otra midía a tomar sedríe controlar la vecería del árbol pa regular les colleches, anque esto supondría nueva maquinaria y más preparación per parte de los collecheros.

Una fradaura qu’amenorgue los puntos de floriamientu, sigún la pumarada en dos años consecutivos pa que la produición nun se concentre namás n’ún, son otres de les midíes a considerar.

Pela so parte, Jorge García, direutor téunicu de produción vexetal de Campoastur, suxure la téunica del aclaréu a nivel colleutivu. Esti tratamientu tien d’aplicase en xunu, cuando’l frutu entá ye pequeñu, y consiste en tirar l’escesu de fruta pa que la que queda engorde más.

Pero ésti ye un sistema costosu nel que, amás, ríquese fradar y abonar.

Ana María Viciosa
http://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.