Inicio > Eventos > La Bona Confradería de los Siceratores, col Muséu de la Sidre
Eventos

La Bona Confradería de los Siceratores, col Muséu de la Sidre

El IV Capítulu, nel que se nomaron nuevos confraderes d’honor y númberu, entamó’l sábadu en Nava.

VER VIDIU

LA SIDRA.- Un nuevu Capítulu de la Bona Confradería de los Siceratores entamó nel salón d’actos, convertíu en chigre, del Muséu de la Sidre de Nava.

Nesta edición fueron nomaos confráderes d’honor el cantante Victor Manuel, el direutor del Festival Intercélticu de Lorient Lisardo Lombardía y la presidenta del Clú de les Guisanderes Amada Álvarez.

La bloguera Lorena Alonso, la empresaria Carmen Uribe, el ciruxanu Jose Méndez y l’artesana Carmen Montes fueron nomaos confraderes de númberu.

Victor Manuel, que confesó componer les sos meyores cancios dempués de beber sidre, destacó qu’ésta ye ún de los emblemes más importantes d’Asturies. El cantante foi convidáu pol alcalde de Nava, Juan Cañal, pa ser el pregoneru del Festival de la Sidre 2019.

Coles mesmes, Lisardo Lombardía destacó la rellación histórica ente la sidre y el folclor; y Amada Álvarez siñaló la sidre como’l productu más autóctonu de la gastronomía asturiana.

Pela so parte, el maestre sicerator, Roberto Llamedo reclamó una mayor proteición pal Muséu de la Sidre per parte de les instituciones y la so reconocencia como bien cultural, yá que contien el pasáu auténticu d’una de la mayores tradiciones d’Asturies.

Ana María Viciosa
http://www.lasidra.as
Nacía en Xixón en 1973, cursó los estudios de Filoloxía Inglesa en les Universidaes de Uviéu y Bradford (Reinu Xuníu). Trabayó de profesora d'inglés, guía ya intérprete y traductora. Ye una gran aficionada a la sidre y al bon xintar.