Nel Festival de la Mazana de Villaviciosa, LA SIDRA cellebró'l so particular Festival pa los neños, entamando una mayada y un cursu pa deprender a echar sidre, talo comu queda espeyao nel vidiu qu'agora vos ufietamos.
En tierra de llagareros, comu ye Villaviciosa. la reciella foi más que receutiva a la hora de ponese a facer sidre, y amosaron a les clares que, puestos a mayar (colos tradicionales mayos y el duernu) tien más emportancia les ganes que se pongan qu’el tamañu.
Munchos de los participantes pasaron les tres hores enteres que duró l’actividá mayando y trabayando col llagarín, comu auténticos profesionales. Prestaba ver como, si bien pa dalgunos yera daqué nueo dafechu, otros yeren braeros espertos na materia, teníen llagar en casa o mayaren dacuandu colos güelos.
Otros prefirieron el taller d’echar sidre (agua nesti casu, que la sidre nun ta pa tiralo) nel que Berto Leal fue desplicando, un a un, la téunica correcha pa facer aportar la sidre al vasu.
El vidiu ye xentileza del nuesu collaboraor Xurde Margaride
Comments
QUé ye, que mayen a los neños???
Tamos n'ello, pero diremos poco a poco, conforme vaigamos atopando collaboraores que controlen del tema.
Un saludu
RSS feed for comments to this post