LaSidra.as

  • Full Screen
  • Wide Screen
  • Narrow Screen
  • Increase font size
  • Default font size
  • Decrease font size

LA SIDRA entamó'l Festival Infantil de la Mazana en Villaviciosa

Corréu lleutrónicu Asoleyar PDF

Cientos de neños y neñes participaron faciendo sidre y deprendiendo a echalo, nes actividaes que LA SIDRA organizó dientru'l Festival de la Mazana.

Dientro la programación del Festival de la Mazana d’esti añu, una actividá especialmente prestosa, camentada pa los más piqueños, pero na que tamién dellos pas y mas participaron con gustu.

 

Nuna tierra de llagareros, la reciella foi más que receutiva a la hora de ponese a facer sidre, y amosaron a les clares que, puestos a mayar (colos tradicionales mayos y el duernu) tien más emportancia les ganes que se pongan qu’el tamañu.

Munchos de los participantes pasaron les tres hores enteres que duró l’actividá mayando y trabayando col llagarín, comu auténticos profesionales. Prestaba ver como, si bien pa dalgunos yera daqué nueo dafechu, otros yeren braeros espertos na materia, teníen llagar en casa o mayaren dacuandu colos güelos.

Otros prefirieron el taller d’echar sidre (agua nesti casu, que la sidre nun ta pa tiralo) nel que Berto Leal fue desplicando, un a un, la téunica correcha pa facer aportar la sidre al vasu.

Tamien equí surdió la sospresa: un par de neños amosaron tener el pulsu y la prautica abondos pa presentase nos prósimos campionatos d’echaores. Impresionante.

Toos ellos tuvieron, amás, la oportunidá d’amazcarase con motivos sidreros, abondando les mazanes (variedá colloraona, verdialina o Ernestina, en función de les preferencies de collor), les reines de la sidre, los pumares faciales y les corones de mazana.

Arriendes de les actividaes infantiles, LA SIDRA tuvo presente col so puestín nel que ufiertamos información so la revista y les nueses actividaes, ocasión que munchos aprofitaron pa completar les sos coleciones colos numberos atrasaos o soscribise a la mesma.

Comments  

 
+3 #1 xana 13-10-2011 18:28
Mira qué bien, pa los rapacinos tamién hai diversión.
Quote
 
 
+2 #2 Jaime 14-10-2011 08:43
Si los vierais ahí disfrutando, pasáronlo pipa, parecíen llagarerinos y ye verdá que alguno escanciaba bastante bien jajaja.
Quote
 
 
+1 #3 Manu 15-10-2011 13:58
Un exemplu a siguir!!!
Eso ye lo qu'hai que facer, deprender a los neños a respetar y vivir la so cultura.

Bien por La sidra!!
Quote
 
 
+1 #4 Pachín 16-10-2011 09:25
Yo d'estes coses no pierdo una, entre que avisen por Facebook, por tuenti, por hotmail con la fuya electrónica y con el RSS feed...
Quote
 

Escribir un comentariu


Códigu de segurida
Refescar

SÍGUINOS

  • Facebook: 1334474608
  • Facebook: 100002238372350
  • Flickr: 53615906@N08
  • Twitter: revistalasidra
  • YouTube: INFOLASIDRA
  • External Link: http://www.lasidra.as/index.php?format=feed&type=rss
  • Facebook Page: 10150620425401921
  • External Link: http://issuu.com/lasidra

GUIDED VISITS

Banner
Col sofitu de la Conseyería d'Educación, Cultura y Deporte
Banner

SIdra JR

Banner
Sidrería Zapico
Banner
Restaurante Pelayo
Banner
Sidrería Miravalles
Banner
Sidreria Los Pomares
Banner
Sidreria El Llavianu
Banner
You are here THE CIDER NEWS LA SIDRA entamó'l Festival Infantil de la Mazana en Villaviciosa
RSS