LaSidra.as

Al concursu de pumaraes entamáu pol SERIDA presentárense 25 pumaraes, 8 d’elles tradicionales.

El Concursu de pumaraes (“plantaciones de manzano” según la convocatoria) convocáu pol SERIDA tuvo al xixonés Diego José Calvo comu ganaor a la meyor pumarada d’Asturies, y a Elvira Obaya de Llugás a la meyor de Villaviciosa.

Arriendes d’ello, el SERIDA dirixó una tastia de variedaes de mazana de mesa cola fin d’amosar les diferiencies y carauterístiques sensoriales de les estremaes mazanes. Taller cordináu por Enrique Dapena, que tevo un importante seguimientu.

Amás, el SERIDA cuntó con un stand permanente onde facilitó información sobro les actividaes que vienen rializando en mazana y sidre.