L'Agrosieru más sidreru Asoleyar Corréu lleutrónicu
ACTUALIDA

Los llagares sierenses de La Morena, Quelo, Arbesú, Fanjul, Muñiz y Fonciello ufrieron la so sidre a los visitantes d'Agrosieru.

Nun xestu que diz munchu del compromisu d'estos llagares col so pueblu, los llagares enantes mencionaos ufiertaron de baldre, nel meudíi de güei, la so sidre a los visitantes a Agrosieru.

Arriendes d'ello, l'Asociación d'Amigos de la Mazana tien entamada una perguapa esposición de mazana, tantu de sidre comu de cuchiellu, que paga la pena dedica-y un tiempu.

Esta mesma tardi, ta cellebrándose'l concursu d'echaores de sidre, nel que se cunta cola participación de les figures más emblemátiques d'esti arte, munches d'elles sierense, y que tien especial siguimientu agora que yá ta cuasique finando'l Concursu d'Asturies.

Pa mañán, domingu 18, ente les 13 y les 15 hores, los mencionaos llagares sierenses tornarán a ufrir la so sidre a los visitantes. Una perbona ocasión pa xuncir el certame agroganaeru, cole meyores sidres del conceyu.

Bien aina, y gracies a la collaboración de J. Eloy, LA SIDRA ufiertará una galería semeyes d'esti guapu eventu sidreru.

LAST_UPDATED2
 

Escribir un comentariu


Códigu de segurida
Refescar