LaSidra.as

Tres la Mesa de Tastia cellebrada ayeri na Sidrería La Chalana de Xixón, supera’l millón de botelles corchaes nesti añu.

La Sidre d’Escoyeta elaborada por los llagares Sidra Trabanco, Peñón, Foncueva y Muñiz de magar mazana 100 % llariega, vien de superar el millón de botelles calificaes na so Collecha X Aniversariu.

Esti númberu botelles tien especial rellevancia si camentamos que l’añu pasáu la collecha de mazana asturiano foi bien escasa (a estes altures entá carecemos los problemes de la vecería), “Superar el millón de botelles esti añu foi fou un retu, dao la escasez de materia prima. Por embargu, algamemos superar esta marca nun añu especialmente importante pa nós, ya´que tamos énte la Collecha X Aniversariu d’esti certificáu de calidá” desplicó Samuel M. Trabanco, presidente de la Sidre d’Escoyeta.

 Primer Sidre l’Añu

Comu datu significativu, esti añu la Sidre d’Escoyeta corchao a entamos de la primavera, ensin trasegar, ello ye, la Primer sidre l’añu, tuvo un consumu de más de 200.000 botelles, tou un record nesti nueu seutor del mercáu del que LA SIDRA ye pionera dende que va dellos años entamó a reivindicar la recuperanza de la Primer Sidre, ensin trasegar, y a entamar la Primer Sidre l’Añu, que prósimamente cellebrará la so tercer edición.