Les 40 meyores semeyes de les dos caberes ediciones del Concursu de Semeyes LA SIDRA, entamáu pola nuesa revista y padrocináu por Sidra J.R., recibieron visites asgaya.
El bultable ésitu de la esposición, que tuvo llugar na Sala Polivalente de l’Asociación de Vecinos El Valle de Pión y Candanal, quedó recoyíu en sendos artículos de El Comercio y La Nueva España.
Les numberoses presones, pente elles delles autoridaes, artistes y fotógrafos -dalgunos d’ellos premiaos nesti mesmu concursu- , qu’acudieron a la esposición nun pudieron sinon valorar la peralta calidá de les imàxenes espuestes, asina comu’ l perbón marcu que ye pa la esposición la casona del 1.800, restaurada, que fae de sede pa esta asociación de vecinos; pente la piedra, la maera y los paisaxes que, peles ventanes, facíen competencia a les semeyes, les imáxenes sidreres garren más puxu si cabe.
Una vuelta finada esta esposición en Pión, continuará en la Sidrería La Huerta de Xixón
