Masterclases: tasties ya prebes. PDF Asoleyar Corréu lleutrónicu
Llunes, 22 de Agostu de 2011 16:58

Cocinando con sidre ya perea nel International Craft Cider Festival of Cymru.

 

El mundiu la sidre nun ye solo la bébora, ye tamién la xinta. Asina foi que les masterclases del International Craft Cider Festival entamaron con una clas de cocina al cargu de Sebastian Vanoni, mayestru guisanderu del pub y restorán Bunch of Grapes de Pontypridd, que fexo nel más asolutu direutu tres platos perbonos, arriendes de cenciellos, que llevaben la sidre y la perea como ingredientes, y a los que-y siguió darréu la so preba ente los espertos en tasties que taben ellí.

 

Pitu guisáu a la sidre con cebolles y un puntu de vinagre de sidre; trucha a la sidre con verdurines, vinagre de sidre y un toque d’aceite d’oliva; y pal postre una llambionada, frutes de la viesca en salsa de perea. Eses foren les tres creaciones culinaries feches a la sidre por Sebastian Vanoni qu’esfrutaren los sidreros de toa Europa aconceyaos nel pueblu de Nelson.

 

 Los delegaos de LA SIDRA tomaron bona nota de les recetes por si pa más alantre hubiere posibilidaes d’enseñales nes nueses fiestes.
LAST_UPDATED2
 

Escribir un comentariu


Códigu de segurida
Refescar