LaSidra.as

El primer sábadu d'agostu, comu yá ye tradición, tenrá llugar el Tour del Llagar, que nesta ocasión percorrerá los llagares de San Juan del Obispo, Buznego, Estrada, Roza y Frutos.

El VII Tour del Llagar promete ser ún de los más interesantes de los que venimos rializando, con visita a siete llagares cimeros nos que podremos esfrutar de la esperiencia única de visitar les istalaciones del llagar y poder prebar la sidra de los estremaos tinos, orientaos en tou momentu pol llagareru, que mos desplicará les estremaes caraurerístiques de caún de los palos de sidre que probemos, asina comu l'estremáu estáu d'ellaboración nel que s'afayen.

Los llagares que visitaremos nesta ocasión son sobradamente conocíos, y resulta difíclile remarcar dalguna carauterística especial de los mesmo, en cualisquier casu, atreveremosmos a destacar l'interés del llagar de San Juan del Obispo no que cinca al procesu d'ellaboración del so estupendu auguardiente de sidre. Del llagar de Frutos podremos valorar y deprender del más puru tradicionalismu; en Buznego destacaremos la so sidre de mesa Zapica, única d'estes carauterístiques que prebaremos nel Tour; d'Estrada quedamosmos con too, porque ye cierto que tenemos cierta debilidá por esi llagar; y de Roza, l'impresiionante llagar con toneles de maera que conserva en plenu usu y que costitúi un auténticu templu sidreru.

Amás, un par d'espiches pa esfrutar más plenamente, el bon facer de Pelayu Cuaya, el nuesu gaiteru oficial, y'l bon espiritu que siempres reina nestos eventos.

Eso sí, el númberu places ye llóxicamente llimitáu y per rigurosu orde d'iscrición, asina que sedríe d'aconseyar a los amantes de la bona sidre que nun dexen pasar el tiempu pa formalizar la so participación.