Esti añu'l mal tiempu y una planificación del Festival quiciabis demasiadamente orientada al turismu, con rumba y fútbol, desllucieron el que ye, probatiblemente, el más conocíu de los Festivales de la Sidre asturianos.
La XXXIV edición del Festival de la Sidre de Nava presentó esti añu delles novedaes, dalgunes d'elles orientaes a "dar puxu a la calidá de la sidre y la del festival", sigún desplicó José María Osoro, presidente de l'Asociación de Llagareros y nueu conceyal de Festexos.
Cháronse de menos les pipes de sidre qu'otros años veíemos metanes la Plaza, y que foren definitivametne sustituyíes por caxes y botelles... darréu que, sigún los entamaores, l'usu de pipes diba en perxuiciu de la calidá de la sidre, que perdía carbónicu si nun se servía a la temperatura afayaiza.
Per otru llau, Sidra Foncueva ganó'l premiu a la meyor sidre d'Asturies, y el llagar Orizón a la meyor sidre de Nava, y Henry González foi'l meyor echaor.
Más información en LA SIDRA de xunetu (Nb. 91)
