I Tour de la Sidre d'Escoyeta PDF Asoleyar Corréu lleutrónicu
Martes, 24 de Mayu de 2011 07:11

El pasáu 21 de mayu tevo llugar el I Tour de la Sidre d'Escoyeta, que percorrió los llagares qu'ellaboren esta sidre de calidá.

 

GALERÍA SEMEYES

El Tour entamó pel Llagar de Muñiz, en Tiñana (Sieru) onde'l tema a desendolcar fo'l pumar y les pumaraes; darréu pasóse pel Llagar de Peñón n'Albandi (Carreño), y nelli falóse de la mayada y el formientu de la sidre, dempués tocó-y el turnu al Llagar de Foncueva, en San Román (Sariegu), onde se faló de los trasiegos, y a la fin cellebróse una espicha en condiciones nel Llagar de Trabanco.

Con esti I Tour de la Sidre d'Escoyeta consíguese averar a la sociedá asturiana a la rialidá y cultura de la sidre y los llagares, y más concretamente a lo que ye y representa esta variedá de sidre de calidá. L'actu enártase dientru la cellebración del X aniversariu de la Sidre d'Escoyeta, pero en viendo la perimportante rempuesta social que tevo, ye posible que se repita n'años vinientes.

Les semeyes qu'apurrimos son obra del nuesu collaboraor Lujó Semeyes, quien tamién da fe de l'interés d'esti Tour y del bon facer de los que lu entamaron.

LAST_UPDATED2
 

Escribir un comentariu


Códigu de segurida
Refescar