LaSidra.as

  • Full Screen
  • Wide Screen
  • Narrow Screen
  • Increase font size
  • Default font size
  • Decrease font size
Banner

¡Impresionante Gascona!!!

Corréu lleutrónicu Asoleyar PDF

La 12ª edición de la Preba de la Primer Sidre de Gascona foi un auténticu espectáculu sidreru nel que trunfó Trabanco (Tastia oficial) y La Nozala (Tastia popular).

Comu nun podía ser d'otra miente, LA SIDRA tamién tuvo presente con un puestu propiu na Preba de la Primer Sidre de Gascona: la primer gran cita de la temporada de concursos rellacionaos cola sidre.

 

Dende va doce años los llagares con presencia nel Bulevar de la Sidre (14 esti añu) participen nesti eventu, que reconoz a la meyor sidre por partía duple: per votación popular y por tastia oficial, na que reconocíos tastiarores de sidre evalúen les presentaes a concursu y seleicionen la que meyores carauterístiques presenta en cuantes a arume, presencia en vasu y saborgu.

Esti añu la votación popular dio a La Nozala comu ganaora, siendo la primer vegada qu'esta sidre algama esta reconocencia en Gascona, y Trabanco ganó la tastia oficial, siendo l'únicu llagar que consiguió la reconocencia comu meyor sidre en toles ediciones de la Preba de Gascona, que se cellebra dende l'añu 2000.

De fechu, nos dos años caberos Trabanco algamó sendos dupletes al algamar el primer premiu tantu na tastia oficial comu na votación popular.

“Les sidres presentaes esti añu amosaben un nivel mediu aceutable. Anque ye cierto que les que se posicionaron nos primeros puestos amosaben unes cualidaes n’espalme, arume y saborgu perdestacaes”, desplica Maximino Villarrica, Presidente del Xuráu de la Preba de Gascona. “La Preba de Gascona ye’l primer gran test de la sidre, y esti añu yera entá más importante presentar un productu que destacase en calidá, darréu que’l desendolcu de la collecha y les condiciones meteorolóxiques tan retrasando más de lo avezao la mauración de la sidre. Tendremos sidre de gran calidá nesta collecha, pero habrá d’esperase delles selmanes pa que lo más d’ello escomience a algarmar el so puntu afayaizu de mauración”, desplica Samuel Trabanco.

 

Escribir un comentariu


Códigu de segurida
Refescar

CONCIERTU DE KADAVAR

Banner

SÍGUINOS

  • Facebook: 1334474608
  • Facebook: 100002238372350
  • Flickr: 53615906@N08
  • Twitter: revistalasidra
  • YouTube: INFOLASIDRA
  • External Link: http://www.lasidra.as/index.php?format=feed&type=rss
  • Facebook Page: 10150620425401921
  • External Link: http://issuu.com/lasidra

GUIDED VISITS

Banner
Col sofitu de la Conseyería d'Educación, Cultura y Deporte
Banner
Sidrería Zapico
Banner
Sidreria Los Pomares
Banner
You are here THE CIDER NEWS ¡Impresionante Gascona!!!
RSS