LaSidra.as

Comu yá comprobaríen los nuesos llectores más sollertes, lasidra.as vien de nagurar una nuea seición "The Cider", versión n'inglés de les noticies de lasidra.as

L’acesu a la seición tópase na  barra horizontal superior nel marxe superior drechu y picando nella acedese a la versión n'inglés de les noticies de lasidra.as en formatu blog.

 

Curiosamente, dende qu'entamemos a ufiertar la versión n'inglés de les noticies, hebio más d'una ocasión na que les llectures n'inglés superaron a les llectures n'asturianu, concretamente Barrel-making at the First Cider of the Year cuntó con 635 entraes n'inglés frente a 459 n'asturianu, y el VI Triumphal Sidracrucis 953 entraes n'inglés y 784 n'asturianu... datos enforma significativos y que dan una idega del interés qu’hai a nivel internacional pa cola sidre en concreto y pa cola sidre asturiano y la so cultura en particular.

Dende lasidra.as somos percoscientes de les nueses llimitaciones nel tarrén internáuticu, pero pasu ente pasu vamos dando pasos alantre, de tala miente qu’agora mesmo lasidra.as yá ye una de les uebs con más visites a nivel internacional, y esperamos que d’equí a pocu podamos dir meyorando pa facer d’esti espaciu una referencia de la sidre y la so cultura pa propios y estraños.

 

Una vuelta más queremos remembrar a tolos nuesos llectores que lasidra.as solo ye posible gracies al enfotu desinteresáu de los nuesos collaboraores, y animamos a toes aquelles presones amantes de la sidre, del país o de dambes coses a echar un gabitu nesta siempres prestosa xera, y a ponese en contautu con nós en This e-mail address is being protected from spambots. You need JavaScript enabled to view it