El prósimu 8 de mayu tendrá llugar la 12ª Preba de la Sidre de Gascona, con un interesantísimu programa y na que LA SIDRA cuntará con un puestu propiu.
Comu ye avezao, nesa xornada, de 12 a 14:30 hores podrá prebase la sidre de los llagares que sirven a los chigres de Gascona, ello ye: Cortina, El Gobernador, Orizón, Foncueva, Fonciello, Vallina, Herminio, La Nozala, Canal, L'Argayón, Menéndez, Muñiz, Roza y Trabanco; rializándose una preba popular y otra oficial, a cargu de los prestixosos tastiaores: Orlando Valledor, Maximino Villarrica, Joaquín Cernuda, Severino Cueva y Belisario Fernández, siendo l'echaor oficial el campión d'Asturies 2010, Félix de la Fuente.
El pregón rializaralu l'actor Alberto Rodríguez (col presonaxe del chigre "Toño" na TPA); y el sistema sedrá'l de siempres: cola merca de vasu y pañuelín podrá prebase la sidre d'esos llagares y participar na votación popular que finará a les 14:30.
A les 15 hores daráse a conocer los llagares ganaores y procederáse a la entrega los premios a los ganaores y a los collaboraores
