La XV Xornada de la Sidre de La Felguera, entamada pola Sociedá de Festexos y Cultura San Pedro resultó tou un ésitu.
Ente'l bon tiempu y les munches ganes d'esfrutar de la sidre, fixeron que los 5.000 llitros de sidre apurríos polos selce llagareros participantes (El Piloñu, Fonciello, Arbesú, Orizón, Alonso, Viuda de Angelón, Estrada, L´Argayón. Viuda de Corsino, Acebal, J. Tomás, Frutos, Piñera, Zapatero, Roza y Vallina), terminaren enantes de lss cuatru la tardi.
El parque Dolores Fernández Duro entamó a enllenase de magar les doce la mañán, y llegó a tar atarraquitáu de sidreros con munches ganes d'esfrutar de la nuesa bébora.
La cellebración sidrera completose cola cellebración del 58 concursu d'echaores de sidre, un certame que fasta hai dos años se facía demientres les fiestes de San Pedru, en xunu, y que se treslledó a estes xornaes.
Pero ná meyor pa facese una idega de lo que foi la xornada que ver la galería semeyes que mos apurre los nuesos collaboraores J. Eloy y Lujó semeyes.
Comments
RSS feed for comments to this post