SIDRACRUCIS '11. Pa los mui sidreros y pa les mui sidreres, porque nun podemos escaecer que la presencia femenina nesti eventu nun precisa de denguna "llei de paridá" nin convocatoria especial.
El vienres 22 d'abril de 12 del meudíi a 10 de la nuechi. La folixa más sidrera de toles qu'esisten, un esforzáu percorríu de chigre a chigre y de llagar en llagar, con sidre asgaya, pinchinos, 2 espiches, música asturiana a cargu del gaiteru oficial Pelayu Cuaya, y de toos aquellos que s'animen a llevar gaita, acurdión, panderu, o con ganes de canciar.
Esti añu ta previsto nun entamu tornar a facer la ruta del Barriu la Sidra (Xixón) y del Camín Rial de la Sidra (Cualloto), con parada per llagar y espicha en Noreña (Sidrería Villa Condal), pa finar con otra espichona na Primer Sidre l'Añu, onde tendrá llugar un recibimientu trunfal a estos campiones de la sidre y la folixa.
Caltiénse'l preciu de 40 €, 35 € pa soscritores de LA SIDRA (¡Regalao!!!) y eso sí, el númberu de places ye llimitáu, polo que convién dir poniéndose en contautu cola organización This e-mail address is being protected from spambots. You need JavaScript enabled to view it pa facer la reserva de places, que llueu too son apuros, y dalgún qu'otru disgustu por quedar fuera.
Comu novedá, esti añu vamos facer dos grupos diferentes, con percorríos tamién diferentes y que coincidirán na visita al llagar y nes espiches... trátase d'evitar les aglomeraciones que solemos producir nos chigres, y poder esfrutar les coses más y meyor.
Mas tovía. Esti añu les etiquetes de sidre son numberaes y va dase una per asistente. ¡Nun va haber más! asina que los colleicionistes qu'anden sollertes porque hai lo qu'hai.
Comments
Un saludo
RSS feed for comments to this post