La Parrilla Antonio I, del Barriu de la Sidra foi l’escenariu nel que tuvo llugar l’actu d’entrega de los premios del concursu de Microrrellatos Sidreros.
Na xornada d’ayeri recoyeron los premios (500 € y un llote llibros) y llieron los sos rellatos énte’l cuasique centenar d’asistentes al actu. Arriendes d’ello, el xuráu fexo una mención especial de los microrrellatos “Burbuyes de sdire ficción” d’Emilio Mariño Riesgo, “Diálogu col pasáu” d’Álvaro Rodríguez Zapico y “Junto al Mar” de Esther López García, ganando caún d’ellos una caxa llibros.
El xuráu d’esti certame tevo compuestu por Luis Antonio Alias, periodista y gastrónomu d’El Comercio, Miryam Sánchez Prieto, periodista y productora de televisión, David Fernández Prada, periodista gastronómicu y Xuan Carlos Crespos, escritor billingüe con un ampliu palmarés lliterariu.Jose Luis Acosta Fernández, el direutor d’eventos y promociones de LA SIDRA, foi l’encargáu de presidir el xuráu y facer la ponencia principan nel actu d’ayeri, que tien al Barriu de la Sidra comu entamaor principal arriendes de la Fundación Asturies XXI, la revista LA SIDRA y la Conceyalía de Cultura y Llingua; cuntando col padrociniu de Sidra Fonciello y Caja Laboral.Ente les presonalidaes asistentes al actu, amás de los miembros del xuráu y los vocales del Barriu de la Sidra, pudimos atopar a la representante de la Conceyalía de Cultura y Llingua, Sara Casado; el direutor de Caja Laboral, David Cuervo Ralero (que fexo entrega del premiu n’asturianu), y José Ramón Llaneza, xerente de Sidra Fonciello (qu’entregó’l premiu n’español) ente otros.La Galería Semeyes que s’alxunta ye obra de Lujó Semeyes, collaboraor avezáu de LA SIDRA.
