LaSidra.as

  • Full Screen
  • Wide Screen
  • Narrow Screen
  • Increase font size
  • Default font size
  • Decrease font size
Banner

David M. Rivas

Corréu lleutrónicu Asoleyar

David M. Rivas ñaciera en Xixón n’avientu de 1957 y reside na collación de Candanal, nel conceyu de Villaviciosa. 

Ye doutor n’economía, grau qu’algamara cola primer tesis lleida na universidá española sobro les rellaciones sistémiques pente la economía y la ecoloxía.

Anguaño ta finando cola so tesis doctoral n’antropoloxía, que versa sobro los ritos de reciprocidá nel mediu rural asturianu, concretamente sobro’l magüestu, la espicha ya’l samartín. 

Ye profesor titular d’estructura económica na Universidad Autónoma de Madrid y ta vinculau a distintos centros docentes y d’investigación d’Europa y d’América. Ye miembru del Club de Roma y d’Amigos de la Tierra Internacional, presidiendo la federación española d’esta organización ecoloxista entre 1993 y 1997.

Del mesmu mou fora miembru de la Comisión de Parques Nacionales y Fasteres Protexíes de la Xunión Internacional pa la Conservación de la Naturaleza y del Consejo Asesor de Medio Ambiente d’España. Tamién fora secretariu xeneral del Ateneo de Madrid ente 1989 y 1995.

 Fora miembru del Comité Executivu d’Europa Caltenible y del Comité Científicu de Desendolcu Llocal Caltenible, ambos enmarcaos nos Programes V y VI Medioambientales de la Xunión Europea y dependientes de la Comisión Europea.

D’otra banda, fora profesor de desendolcu caltenible en Guatemala, embaxo un conveniu pente la Universidad Autónoma de Madrid ya l'Instituto Chi’ Pixab de Quetzaltenango. Trabaya habitualmente nos aspeutos económicos de los espacios naturales protexíos, faciendo estudios nel antiguu Parque de la Montaña de Cuadonga, nel Parque del Sureste de Madrid, nel Parque de las Sierras de Cazorla, Segura y Las Villas, nel Parque de Somiedu y nel Parque de los Picos d’Europa. Simultáneamente, ta trabayando nuna metodoloxía pa calcular la güelga ecolóxica de los puertos marítimos, cosa qu’entamara col ya fináu estudiu sobro El Musel.      Ye una de les persones más señalaes del movimientu de recuperación llingüística y cultural d’Asturies, trabayando nestos asuntos dende mui mozu.

En 1977, con namás que diecinueve años y siendo estudiante na Universidad Complutense, fora ún de los fundaores de Conceyu d’Asturies de Madrid, emblemática sociedá de los asturianos de la diáspora. Recientemente participó na fundación de l'Asociación Arribada, que lleva yá dos años dedicando una selmana a la lliteratura asturiana en Xixón. Dende 1993 ye miembru de l’Academia de la Llingua Asturiana. 

Dende un puntu d’agüeye académicu, les sos especialidaes son la estructura económica internacional ya’l desencolcu caltenible. D’esti mou, podemos destacar les siguientes espublizaciones: “Las evaluaciones socieoeconómicas de impactos ambientales”“Aproximación a la economía ecológica y ambiental”“Ecología: el planeta amenazado”“Towards sustainable Europe” “Sustainable Spain”“El entorno amenazado en un mundo cambiante”“Sustentabilidad. Desarrollo económico, medio ambiente y biodiversidad”“La biosfera: cinco años después de Rio’92”“Modelling a sustainable European Union. A decission support tool”“Agenda 21. Estrategia de desarrollo sostenible para Castilla y León”“El mundo rural en perspectiva”“Paz y tierra. Modelos de desarrollo agrario en Guatemala”“Galicia: una realidad ecológica diversa y compleja”“Desarrollo sostenible y estructura económica mundial”“España: 100 años del sector del metal” Pero tamién fixera incursiones per llugares ayenos a les sos disciplines universitaries, asoleyando un llibru sobro’l primer catedráticu de psicoloxía de la universidá española ya entituláu “La filosofía truncada. Ensayo sobre la obra filosófica y psicológica de Lucio Gil de Fagoaga”. D’otra banda, espublizó “La sidra asturiana. Bebida, ritual y símbolo”, llibro de gran éxitu que bien ceo va ver la so tercera edición. 

En 1996 realizó la edición crítica del llibru d’Antonio Martínez Fernández “Catecismu del llabrador”, que s’espublizara en Llanes nel 1891 embaxo’l ñomatu de Frai Verdaes, llibru anticaciquil que fora secuestráu pol gobiernu y que taba práuticamente desapaecíu.  La so cabera espublización, col sellu de l'Academia de la Llingua Asturiana, ye “Toponimia de la parroquia de Xixón (conceyu de Xixón)”, peramplia y perdocumentada recopilación de los topónimos, lo mesmo tradicionales qu’urbanos modernos, de la parroquia cabecera del conceyu. 

Pa finar, nos últimos tiempos punxérase a escribir ficción, especialmente relatos y cuentos. Frutu d’esta nueva dedicación ye’l llibru “Xente de perende”, con 74 relatos basaos n’histories reales. Nel tarrén sidreru ye mui de destacar el so llibru: “La Sidra Asturiana, bebida, ritual y símbolo”Collaboraor d’avezu cola revista LA SIDRA presidió’l xuráu de los dos Premios d’Ensayu Emilio Trabanco Trabanco

CONCIERTU DE KADAVAR

Banner

VIII CONCURSU SEMEYES

Banner

SÍGUINOS

  • Facebook: 1334474608
  • Facebook: 100002238372350
  • Flickr: 53615906@N08
  • Twitter: revistalasidra
  • YouTube: INFOLASIDRA
  • External Link: http://www.lasidra.as/index.php?format=feed&type=rss
  • Facebook Page: 10150620425401921
  • External Link: http://issuu.com/lasidra

EVENTOS

There are no events at this time
Col sofitu de la Conseyería d'Educación, Cultura y Deporte
Banner
Sidrería Zapico
Banner
Sidreria Los Pomares
Banner
You are here CHIGRES EQUIPU David M. Rivas