LA SIDRA participará nel Apfelwein im Römer PDF Asoleyar Corréu lleutrónicu
Xueves, 10 de Marzu de 2011 06:20
LA SIDRA participará nel Apfelwein im Römer con un estand propiu nel que dará a conocer la sidre asturiano n’Alemaña y la convocatoria de la  Primer Sidre l’Añu.

BAXAR PDF TRÍPTICU Una dellegación de LA SIDRA acudirá al Apfelwein im Römer pa conocer de primer man dicha Feria Internacional Sidrera, contautar con llagares de tol mundiu y al empar dar a conocer la sidre asturiano n’Alemaña, y presentar la Primer Sidre l’Añu 2011. Pa ello cuntará con un estand propiu na mencionada feria, y apurrirá estremáu material editáu n’alemán y n’inglés (posters, trípticu xeneralista sobro la sidre asturiano, trípticu sobro la convocatoria de la Primer Sidre l’Añu…). El bon llabor rializáu pol nuesu collaboraor Eduardo Coto, permite qu’esti añu la sidra asturiano tea una perbona representación nel Apfelwein im Römer, darréu qu’amás de la presencia de LA SIDRA, tamién tará presente el Grupu Trabanco, el mayor productor de sidre del Estáu,  que va nagurar el II Menú Gourmet Internacional de la Sidre, que va cellebrase’l sábadu 12 de marzu nel hotel Hessischer Hof 5 estrelles y al que van asistir los llagareros participantes nesti certame.La Feria Internacional de sidre Apfelwein im Römer, va cellebrase en Frankfurt los prósimos 12 y 13 de marzu y ta previsto qu'alleguen cerca de mil visitantes, ente los que se van atopar periodistes, críticos gastronómicos y profesionales venceyaos al seutor de la sidre. 
LAST_UPDATED2
 

Escribir un comentariu


Códigu de segurida
Refescar