LaSidra.as

  • Full Screen
  • Wide Screen
  • Narrow Screen
  • Increase font size
  • Default font size
  • Decrease font size
Banner

Preba de Sidre nel Llagar de Piñera

Corréu lleutrónicu Asoleyar PDF

El llagar de Piñera sedrá’l que mos abra les sos puertes el prósimu 26 de marzu pa la segunda preba de sidre.

Dempués de la prestosa xornada que pasemos prebando la sidre de Muñiz, esti mes toca-y al llagar de Piñera (en Deva, Xixón) que-y faigamos una visita, asina que ye nesti llagar onde mos convoca LA SIDRA pa seguir coles prebes de sidre pelos llagares d’Asturies.

 

Comu na anterior preba, sedrá imprescindible l’apuntase d’antemán, siguiéndose un rigurosu orde d’iscripción, por mor del escasu aforu que permite esta triba d’actividá, que nun podría aprofitase plenamente d’haber un escesu de xente nel llagar.

 

El costu ye d’once euros pa soscritores y collaboraores de la revista, y de quince nel restu los casos.

 

El sábadu díe 26 de marzu los participantes quedaremos, a les once y media la mañán, delantre’l llagar, coles papiles gustatives preparaes pa tastiar sidre de los estremaos toneles, baxo les desplicaciones de llagareru, Jose Luis Piñera, que mos dirá guiando pa que seyamos quien a estremar les carauterístiques  organoléptiques de cauna de les sidres, desplicándomos tamién el porqué d’estes desemeyances.

 Lo más interesante d’estes prebes ye la oportunidá de comprebar presonalmente la evolución de la sidre,decatase de los cambios que va teniendo mes a mes y deprender a valorar una sidre, non pol so saborgor actual, sinon pol que podemos calcular que sedrá’l so tastu final con base a les sos carauterístiques actuales.

Dirán desplicándomos (y esto ye parte importante del oficiu de llagareru) comu va evolucionar la sidre que tamos prebando, y si ye preciso trasegar, mezclar o rializar cualisquier otra operación que corrixa’l so desendolque pa que mos dea’l resultáu final que deseyamos.

 Por supuesto, la preba dirá debidamente acompangada de daqué pa picar, sobro la una’l mediu díi, por que la sidre solo nun presta tanto. A la una y media finará la preba. Dientru les sos actividaes, LA SIDRA seguirá entamando periódicamente más prebes de sidre pelos llagares d’Asturies, lo que mos permitirá, non solo deprender sobro la evolución de la sidra en xeneral, sinon conocer los llagares ún a ún, conociendo mássobro’l so furrulamientu ya hestoria y aprofitando la inestimable fonte de sabencia sobro la sidre que signifiquen los llagareros.Un deprendizaxe y una esperiencia que nun se pue sacar de dengún llibru.

 

 

Escribir un comentariu


Códigu de segurida
Refescar

SÍGUINOS

  • Facebook: 1334474608
  • Facebook: 100002238372350
  • Flickr: 53615906@N08
  • Twitter: revistalasidra
  • YouTube: INFOLASIDRA
  • External Link: http://www.lasidra.as/index.php?format=feed&type=rss
  • Facebook Page: 10150620425401921
  • External Link: http://issuu.com/lasidra

GUIDED VISITS

Banner
Col sofitu de la Conseyería d'Educación, Cultura y Deporte
Banner

SIdra JR

Banner
Sidrería Zapico
Banner
Restaurante Pelayo
Banner
Sidrería Miravalles
Banner
Sidreria Los Pomares
Banner
Sidreria El Llavianu
Banner
You are here THE CIDER NEWS Preba de Sidre nel Llagar de Piñera
RSS