LaSidra.as

  • Full Screen
  • Wide Screen
  • Narrow Screen
  • Increase font size
  • Default font size
  • Decrease font size
Banner

Concursu de Microrrellatos del Barriu la Sidra

Corréu lleutrónicu Asoleyar PDF

El 17 de marzu fina'l plazu pa la presentación al Concursu de Microrrellatos, y el fallu sedrá'l 31 

L'asociación d'hostelería “El Barriu De La Sidra” convoca la segunda edición del so particular certame lliterariu. Nesta ocasión va haber un premiu en castellán y otru en asturianu, amás de los accésit qu'envaloren oportunos los miembros del xuráu.

Sigún Miguel Concha Estrada, presidente del barriu de la sidra, “Ye una ocasión aparente pa demostrar que la sidra toma conceutos tan amplios como l'arte, nesti casu al traviés de la lliteratura”. José Luis Acosta Fernández, responsable d'eventos de La Sidra repite comu presidente del xuráu. José Luis afirma que “la sidra ye un microcosmos que aúna populismu, identidá d'un pueblu y arte, ente otres munches coses”. “La variedá de matices, refilachos y percepciones que percuerre la sidre nun tien un res qu'envidiar con otros ellementos de la gastronomía, comu'l vinu” añede José Luis.

El fallu del II Concursu de Microrrellatos sidreru “Barriu De La Sidra” va faese públicu'l 31 de marzu d'anguañu, siendo'l plazu llende d'entrega'l 17 de marzu. Esti concursu ye otra más de les munches iniciatives que La Sidra, xuntu cola fundación Asturies Sieglu XXI y El Barriu De La Sidra entama pa fortalecer los venceyos cola nuesa bébora patrio. José Luis diznos “ye innegable que la estrella de los nuesos concursos ye'l Concursu de Semeyes, ensin facer de menos del concursu de microrrellatos, una y bones arte ye arte, en cualisquier forma d'espresión. Pero ta claro, ye muncho más fácil sacar una semeya qu'escribir una hestoria. A la xente cuésta-y enforma escribir. Por eso, y porque el Concursu de Semeyes tien más tiempu tien más participantes, falo de miles per tol mundu”. Sicasí, José Luis atópase satisfechu cola arribación de participantes: “Nun me quexo, fueron delles les decenes de rellatos que se presentaron na 1ª edición, dalgunos de gran calidá”. Sobro'l xuráu José Luis diz: “ye un pernomáu elencu de profesionales del periodismu y l'escritura”. “Repiten Luis Antonio Alías y Miryam Sánchez Prieto. Luis Antonio ye un célebre gastrónomu, escritor y periodista que recoyó ensame de premios na so dilatada carrera. Miryam ye periodista, publicista y productora de televisión.” Nesta edición estrenen dos nuevos miembros nel xuráu: David Fernández Prada y Xuan Carlos Crespos Llanches. “David Fernández Prada ye un conocíu periodista gastronómicu con esperiencia en revistes especializaes y en radiu, amás de ser un gran coordinador d'eventos” diz José Luis. “Xuan Carlos ye un escritro billingüe que cunta nel so haber con múltiples premios lliterarios como'l Nené Losada Ricu (2004), Érase una vegada…(2004), y los certames de cuentos de Llaviana (2000, 2005, 2006, 2007 y 2009), el de Cangas de Narcea, el de la Fundación de Derechos Civiles de 2005 y 2006, amás del certame de rellatos de la Casa d'Asturies en Valencia”.El patrocinadores d'esta edición son el llagar Sidra Fonciello y Caxa Llaboral. Miguel, el presidente de “El Barriu De La Sidra” aprovecha esti artículu pa estima-yos la so collaboración: “nun cansamos de dar les gracies a los nuesos patrocinadores, ensin ellos nun sería posible esti tipu d'iniciatives tan enriquecedoras”.

Escribir un comentariu


Códigu de segurida
Refescar

CHIGRE ENCAMENTÁU

Banner

PLATU ENCAMENTÁU

Banner
You are here Home
RSS