LaSidra.as

  • Full Screen
  • Wide Screen
  • Narrow Screen
  • Increase font size
  • Default font size
  • Decrease font size
Banner

Entrega Premiu d'Ensayu Emilio Trabanco

Corréu lleutrónicu Asoleyar PDF

“La sidra y la mazana na pintura asturiana” gana l'II Premiu de Ensayo Emilio Trabanco Trabanco

Arántzazu Ortiz ye l'autora d'esta obra, que pon de manifiestu la relevancia de sidra como motivu principal de más de 400 pintures y grabaos de distintes dómines

Grupu Trabanco y la revista La Sidra apurrieron esta mañana l'II Premiu de Ensayo “Emilio Trabanco Trabanco”, gallardón que reconoz aquelles obres d'investigación inédites que tean rellacionaes cola cultura de la sidre n'Asturies.

La sidre y la mazana na pintura asturiana, de la ensayista Arántzazu Ortiz, ye la obra ganaora de la segunda edición d'esti certame, dotáu con un premiu de 1.250 euros en metálicu, un llote de llibros valoráu en 250 euros y la espublización de la obra ganaora.

Dulce Gallego, Conceyala de Mediu Ambiente del Conceyu de Xixón; Samuel M. Trabanco, xerente de Grupu Trabanco y Llucía Fernández Marqués, direutora de la revista La Sidra; presidieron l'actu d'entrega d'esti gallardón, que se consolida comu un referente na divulgación de les diverses espresiones de la cultura desenvuelta en redol a la sidre.

Más de 400 pintures rellacionaes cola sidre Esti premiu supon una nuea reconocencia pa Arántzazu Ortiz, escritora y ensayista qu'atropa na so palmarés más de venti galardones, d'ámbitu rexonal y estatal. Na so obra La sidra y la mazana na pintura asturiana, l'autora pon en valor la importancia de la sidra como motivu principal en diverses disciplines artístiques, ente les que destaca la pintura.

Ortiz cuantifica en más de 400 les obres pictóriques qu'amuesen tradiciones y actividaes direutamente rellacionaes cola sidra, interpretaes por más de 50 artistes asturianos de distintes dómines. Ello ye que otru de los grandes valores de la obra d'Ortiz ye que supon un auténticu testimoniu de la hestoria recién de la sidra n'Asturies yá que, al traviés de les pintures, l'espectador puede averase a les actividaes y tradiciones que xiraben en redol a la sidra en sieglos pasaos.

“L'oxetivu d'esta obra ye poner de manifiestu la relevancia que tien la sidra, dende va dellos sieglos, en diverses disciplines artístiques y, especialmente, na pintura. Con ello, espero contribuyir al acercamientu ente dos mundos que podríen paecer alloñaos, como son la pintura y la sidra. La mio intención ye que los aficionaos al arte averar a la cultura de la sidra y que, quien yá conocen esti mundu, interésense tamién poles sos representaciones artístiques”, esplica Arántzazu Ortiz.

Reconocencia a un pioneru de la sidre el premiu que güei s'apurrió en Xixón reconoz la trayectoria d'Emilio Trabanco Trabanco, fundador del llagar Trabanco nel añu 1925. Partiendo d'un llagar familiar destináu al autu-peracabo, Emilio Trabanco foi capaz de sentar les bases de too un grupu empresarial que güei lidera la producción de sidra natural n'Asturies y qu'esporta los sos productos a Europa, América, Asia y Oceanía.

“Ye un arguyu pa nós qu'esti premiu, que trata d'impulsar la investigación sobre la cultura de la sidra, lleve'l nome del mio güelu. Ye una merecida reconocencia al so calter pioneru y la so condición d'entamador nuna dómina na qu'apenes esistíen iniciatives empresariales nel sector”, asegura Samuel Menéndez Trabanco, xerente de Grupu Trabanco.

 El II Premiu de Ensayo “Emilio Trabanco Trabanco” ye una iniciativa puesta en marcha pola revista La Sidra, espublización con dellos años d'esperiencia nel sector sidreru. Grupu Trabanco patrocina esti galardón, col que se contribúi a la divulgación de toos aquelles traces que definen la cultura de la sidra n'Asturies.

 

Escribir un comentariu


Códigu de segurida
Refescar

CHIGRE ENCAMENTÁU

Banner

PLATU ENCAMENTÁU

Banner
You are here Home
RSS