Arantzazu Ortíz López ganó'l Premiu d'Ensayu Emilio Trabanco 2010 cola so obra "La Sidra y la Manzana Asturiana. De la tradición al arte"
El xuráu, compuestu por David M. Rivas (presidente), Inaciu Hevia Llavona, Antón Fernández, Antonio Martínez, y Roberto González-Quevedo, aconceyaos en Xixón nel díi d'ayeri, decidieren premiar esta obra, al empar qu'encamentaben a la espublización d'otru de los trabayos presentaos "Catálogo de Etiquetas de sidra", del que es autor Miguel Angel García Otero, al consideralu tamién d'especial interés.
La obra ganadora, fiel al entítulu de la mesma, rializa un interesante repasu a la presencia de la sidre y la mazana asturiana nel ámbetu pictóricu. En pallabres de l'autora " al traviés d'estes páxines desfilarán ente los nuesos güeyos una riestra d'artistes y trabayos venceyaos al a sidre nel so más ampliu contestu: cultivu, pañada, mayada, tabiernes, chigres, romeríes, gastronomía..."
L'actu d'entrega del premiu tendrá llugar el vinientes 25 de febreru nes istalaciones del Llagar Trabanco en Llavandera, de magar les 11:30 la mañán.
El premiu d'Ensayu Emilio Trabanco tien una dotación de 1.500 €, ye convocáu por LA SIDRA en collaboración col Llagar Trabanco, y na so primer edición resultó ganaor Fernán Gonzali Llechosa col so "Dicionario Sidrero. Asturianu- Español"
Comments
Enhorabuena a la artista y sobre todo al jurado por su buen gusto y critero.
RSS feed for comments to this post