La Sidra participará na “Xornada de frada y curiaos d’iviernu en pumaraes de sidre” qu’entama’l SERIDA el 18 de febreru
La vixésimo cuarta Xornada teórica y práutica so la frada y los curiaos d’iviernu en pumaraes de sidra cellebrárase nel CIentru Municipal Integráu de Pumarín Xixón Sur. C/ Ramón Areces nº 7 de Xixón, de magar les nueve y cuartu la mañá del vienres 18 de febreru.
Una representación de la Revista La Sidra acudirá a esta xornada, na que s’abordarán temes d’interés y actualidá pal sector productor de mazana de sidra comu la fertilización y caltenimientu de llinies, les aiciones especifiques a desendolcar nes nuees plantaciones o los aspeutos concretos so la poda de formación y la de fructificación en plantaciones de pumares n’exe y en sistema tradicional, pente otros temes. Les charres tarán a cargu del equipu del Programa d’ investigación en Fruticultura del SERIDA, que coordina l’investigaor Enrique Dapena.
Finalmente, los asistentes desplazarémosmos a pumaraes d’agricultores collaboraores del SERIDA, nes que se fadrán les práctiques de poda.
