Esti prósimu 20 xineru, a les 20:00 hotes, cellebraráse la entrega premios del IV Concursu de Semeyes "La Sidra", na xixonesa Sidrería La Galana (Plaza Mayor – Xixón).
Nesti actu recibirán el so premiu Javier Broto Hernández, pola so obra "Criación", Joaquín D. Palazón por "Igartubeiti" y Mónica González Álvarez por "Un culín de sidra". Los premios tan dotaos con 600, 350 y 150 euros respeutivamente más una dotación en llibros de temática sidrera por valor de 150 € pa caún d’ellos.
Tamién entregaráse un premiu especial consistente en dos caxes de sidre J.R a Ángel Febrero, pola so semeya "De sidra por Xixón", por ser la meyor semeya seleicionada ente aquellas qu’amosaben la imaxe del Llagar J.R, patrocinaor del concursu.
Nel mesmu actu procederáse a la naguración de la Esposición de Semeyes del IV Concursu Semeyes La Sidra, na que s’ espondrán les vente meyores semeyes seleicionaes pol xuráu del concursu. La esposición permanecerá na Sidrería La Galana demientres dos meses.
Hai de destacar l’ ésitu de convocatoria del IV Concursu de Semeyes "La Sidra" al que se presentaren más de 160 fotógrafos con ná menos que 744 semeyes. Amás, anque la participación foi mayoritariamente asturiana, hai obres presentaes de tol estáu, d’ Europa y d’América llatina, apuntando comu curiosidá que por primer vegá cuéntase con participación rusa.
El Concursu Semeyes "La Sidra" tá entamáu pola revista LA SIDRA y cuenta cola collaboración del Llagar J.R – Altu L’Infanzón.
